Баҳодир Пардаев: "Бухоро"нинг мақсади? Бу сир"
24 jul 2016 15:18
News

Баҳодир Пардаев: "Бухоро"нинг мақсади? Бу сир"

Бухоронинг “Бухоро” жамоаси биринчи даврани олтинчи поғонада якунлаб қисқа муддатли танаффусга чиқиб кетганди.

Орадан кўп вақт ўтмай иккинчи даврага тайёргарлик бошлаб юборишди. Тайёргарлик тўғрисида жамоа футболчиси Баҳодир Пардаев ўз фикрлари билан ўртоқлашди.

- Менимча барча жамоалар учун биринчи давра қийин ўтди. Муросасиз баҳслар кўп бўлди. Иккинчи даврага жиддий тайёргарлик кўряпмиз. Кунига икки маҳалдан машғулот ўтказяпмиз. Эрталаб жисмоний машғулотлар, кечки пайт тўплар билан ишлаяпмиз. Жамоамизга бир қатор кучли футболчилар таклиф қилинди. Бу йилги олдимизга қўйилган мақсадни ҳозир айта олмайман. Чунки бу жамоамизнинг сири. Сир-сирлигича қолсин. Иккинчи даврада яха ҳам мухлисларимизни хурсанд қилишга ҳаракат қиламиз”, - дейди “Бухоро” футболчиси Баҳодир Пардаев.