Latest news

15:21Дел Пьеро клублар ўртасидаги жаҳон чемпионатида ким ғолиб бўлишини тахмин қилди  4 14:53Эмилиано Мартинес "Челси" ёки "Атлетико"га ўтиши мумкин  0 14:28"Атлетик" собиқ президенти: "Уильямс биз учун ўйнашни истамаяпти"  4 13:45Луис Энрике: "Интер Майами"нинг даражаси умуман бошқача"  4 13:21Арсен Венгер: "Майдонлар талаб даражасида эмас"  3 12:50Маскерано: "Биз бу ўйинда аутсайдермиз"  6 12:14Бруну Лаже "Челси"дан учралган мағлубиятга изох берди  0 11:52Рейна ўз давридаги энг кучли дарвозабонларни санади  10 11:25Энцо Мареска: "Челси" сўнгги ойдаги энг зўр ўйинини ўтказди"  2 10:43МЮ “Реал“ футболчисига расмий таклиф билан чиқди  0 10:10“Челси“ “Боруссия Д“ футболчисини сотиб олишга яқин  2 09:38Нико Уильямс “Барселона“га талаб қўйди  9 09:05Суперлига. Бугун 14-тур давом эттирилади  4 08:34"Нефтчи" собиқ футболчисини ортга қайтармоқчи  6 08:03Бугун аёллар терма жамоамиз Осиё кубоги саралашдаги юришини бошлайди  3

Баҳодир Аҳмедов: “Мақсадимиз чемпионлик эди, аммо ҳар сафар ҳам ғалаба қозониб бўлмайди” News

Баҳодир Аҳмедов: “Мақсадимиз чемпионлик эди, аммо ҳар сафар ҳам ғалаба қозониб бўлмайди”

Футзал бўйича Осиё Кубоги-2022 3-ўрин учун баҳсда Таиланд устидан қўлга киритилган 8:2 ҳисобидаги ғалабадан кейин Ўзбекистон ТЖ бош мураббийи Баҳодир Аҳмедов ҳамда Ихтиёр Ропиев матбуот анжуманида қатнашди.

3-ўрин учун баҳс ҳақида

Б.А.: Бугун жуда ҳам чиройли ўйин кўрсатдик. Авваламбор, мухлисларимизни хурсанд қилдик. Кейинги ўйинларда ҳам шундай қилишга ҳаракат қиламиз. Таиланд ТЖга миннатдорчилик билдираман. Жуда яхши қаршилик кўрсатишди, лекин қулай вазиятлардан фойдаланганимиз туфайли йирик ҳисобда ғалаба қозондик.

И.Р.: Мақсадимиз фақат чемпионлик эди. Япония билан учрашувда эса бироз омадимиз келмади. Кейинги Осиё чемпионатида ғолиб бўлишга ҳаракат қиламиз. Япония билан ўтган учрашувдаги натижани эса тасодиф деб ҳисоблашингизни истайман. 3-ўрин бизга сув ва ҳаводек керак эди. Чунки, кейинги қитъа биринчилигида юқорироқ саватчадан жой олишимиз керак ва бу жаҳон чемпионатига йўлланма олиш учун таъсир қилади. Шунинг учун бор имкониятимиздан фойдаландик. Таиланд терма жамоасига катта раҳмат айтаман.

Б.А.: Ҳаммага раҳмат. 3-ўрин ҳам яхши натижа, аммо юқорироқ мақсадни кўзлангандик. Энди футболда ҳар сафар ҳам ютиб бўлмайди. Лекин, учинчи ўриндан ҳам кўнглим тўлди, бу кейинги Осиё чемпионатида топ-4 саватчадан жой олишимизга имкон беради.

Япония билан баҳсдан кейин Таиланд билан ёрқин учрашув ўтгани ҳақида

Б.А.: Японияга ютқазгандан кейин йигитларимиз тушкунликка тушмаслиги лозим эди. Чунки, улар билан суҳбатлашдик ва кейинги мақсадимиз учинчи ўрин бўлди. Шу туфайли йигитларимиз буни англаб етишди, мағлубиятдан жуда катта фожеа ясамадик, ҳали ҳаёт тўхтаб қолмади ва биз яна олдинга интилиб, чиройли ўйин кўрсатган ҳолда ғалаба қозондик.

Ютуқ ва камчиликлар ҳақида

Б.А.: Ғалаба ҳамжиҳатлигимиз эвазига қўлга киритилди. Жамоамиз жуда ҳам аҳил, мураббийдан тортиб, барча ходимлар ва футболчиларгача. Шу туфайли ҳар ўйинга чиққанимизда аҳил бўлишимиз керак, ушбу катта натижа ҳам шу сабаб қўлга киритилди. Ҳар бир ўйинчи бир-бири учун жонини беради. Бизнинг энг катта ютуғимиз шу.

Муаммоларга тўхталсак, Япония билан ўйинда вазиятлардан фойдалана олмадик. Энг катта муаммомиз мана шунда.

Термадаги ёш футзалчилар ҳақида

Б.А.: Ёшларимиз жуда яхши ўйин кўрсатишди, улардан кўнглим тўлди. Ўйлайманки, жуда тўғри йўлдан кетмоқдамиз, улар ўсиб бормоқда. Яна бошқа ёшларимиз ҳам бор, уларни ҳам термага жалб қиламиз. Қанча кўпроқ уларга эътибор берсак, футзалимиз шунча ривожланиб боради.

И.Р.: Таркибда кўпроқ жаҳон чемпионати иштирокчилари бор. Майдонда ёшлар билан бирга ҳаракат қилиш осон бўлмайди, ўртоқлик ўйинларида термамиз бош мураббийи Баҳодир Аҳмедов уларни майдонга тушириб, секин-секин таркибга мослаштирди ва Осиё чемпионатлари орқали тажрибани ошириб борамиз.

Мусобақа ва келажакдаги режалари ҳақида

И.Р.: Мусобақа жуда яхши ўтди деб ўйлайман. Авваламбор, қитъа биринчилигини ажойиб тарзда ўтказгани учун Қувайт давлатига раҳмат. Ташкилотчиларига ҳам. Келажакда Осиё ва жаҳоннинг етакчи клубларида ўйнамоқчиман.

Rating: +7   

Comments

championat.asia
< show latest news
Яндекс.Метрика