Баҳодир Аҳмедов: “Энди биринчи қадамни ташладик”

Футзалчиларимиз кеча амалдаги Осиё чемпиони Японияни 2:1 ҳисобида мағлуб этишди. Ўйин тугашига саккиз сония қолганида Артур Юнусов томонидан киритилган ғалаба тўпи бизга уч очкони тақдим этди. Ўйиндан кейин термамиз устози Баҳодир Аҳмедов қуйидаги фикрларни билдирди:

“Ғалаба қозониш ҳар доим ёқимли, бунинг устига рақиб Япониядек кучли жамоа бўлса. Биз энди биринчи қадамни ташладик ва кейинги учрашувда Жанубий Кореяни ҳам мағлуб этишни хоҳлаймиз”.

“Омад келмаса футбол ҳам, футзал ҳам ўйнаб бўлмайди. Албатта, бу беллашувда омад биз томонда бўлди, бироқ 5:0га ютасизми, 10:0ми ёки 2:1ми ҳаммасига уч очко берилади. Ўйин ҳар иккала жамоа учун қийин кечди. Лекин йигитларимиз шижоат кўрсата олишди”.

Х.Холиқов тайёрлади.