БАА – Гонконг (4:0) ўйинидан кейинги фикрлар
16 nov 2013 10:04
News

БАА – Гонконг (4:0) ўйинидан кейинги фикрлар

Осиё Кубоги-2015 саралаш босқичида биз билан бир гуруҳдан жой олган БАА ҳамда Гонконг ўртасидаги учрашувда бу сафар ҳам амирлик вакиллари йирик 4:0 ҳисобида зафар қучишди. Ва шу тариқа БАА муддатидан олдин мусобақа йўлланмасига эга бўлди.

Маҳди Али (БАА термаси бош мураббийи): “Осиё чемпионати йўлланмасини қўлга киритганимиздан хурсандмиз. Қўл остимдаги 24 нафар футболчи саралаш ўйинларида мана шундай қувончли онларни тақдим этганидан мамнунман. Ҳаммага маълум, биз йилдан йилга ўсиб боряпмиз. Бу эса ўйинларда ўз исботини топяпти. Бугун ҳужумдаги ўйинчиларимиз яхши ҳаракат қилишди, айниқса қанотларда фаол кураш олиб бордик. Ва энг муҳими, юзага келган имкониятлардан фойдаландик”.

Ким Пан Гон (Гонконг термаси мураббийи): “Аввало рақибимизни бугунги ғалаба билан табриклайман. Улар чиндан ҳам кучли эдилар, буни якуний ҳисоб ҳам айтиб турибди. Мағлубиятга учраган бўлсак-да, таслим бўлмаймиз ва охиригача курашамиз. Футболда ғалаба ва мағлубият доим ёнма-ён юради ва бунга тўғри муносабатда бўлиш керак. Агар охирги икки учрашувда ижобий натижага эриша олсак, гуруҳдан чиқамиз. Мақсадимиз – гуруҳда иккинчи ўринни эгаллаш”.

Хайрулла Холиқов тайёрлади.

Link :

Source : championat.asia

Receive latest football news directly on your phone. Subscribe for our Telegram channel!

Rating: