БАА чемпионати. Бугун иккинчи давра старт олади
04 feb 2019 17:37
News

БАА чемпионати. Бугун иккинчи давра старт олади

БАА миллий чемпионатида бугун иккинчи давра беллашувларига старт берилади.

13-тур учрашувларидан сўнг Отабек Шукуров тўп тепаётган "Шаржа" клуби 31 очко тўплаб биринчи ўринда боряпти. Иккинчи ўринни эгаллаб турган "Ал Жазира" пешқадамдан уч очко кам тўплаган. Шунингдек, учинчи ўриндаги "Ал Айн"да ҳам 28 очко мавжуд.

Дарвоқе "Ал Айн"нинг битта қолдирилган ўйини бор ва "Ал Ваҳда"га қарши баҳс 10 февраль куни бўлиб ўтади. Бугун кун тартибидан тўртта беллашув ўрин олган. Турнинг қолган учта ўйини эртага ўтказилади. Отабек Шукуров жамоаси эртага ўз майдонида "Ал Дафра"ни қабул қилади.

14-тур учрашувлари

4 февраль
"Дибба Ал Фужайра" - "Ал Васл"
"Банияс" - "Ал Фужайра"
"Ажман" - "Ал Наср"
"Ал Наср" - "Шабаб Ал Аҳли"

5 февраль
"Ал Иттиҳод Калба" - "Ал Ваҳда"
"Ал Шаржа" - "Ал Дафра"
"Ал Айн" - "Эмирейтс"