Азиз Турғунбоевнинг яқини: "Гап пулда эмас, Азиз ОЧЛ туфайли "Пахтакор"га ўтмоқчи"
10 dec 2018 19:01
News

Азиз Турғунбоевнинг яқини: "Гап пулда эмас, Азиз ОЧЛ туфайли "Пахтакор"га ўтмоқчи"

Мавсум якунлангач футболимизда олди-сотди ишлари аллақачон бошланиб кетган.

Хусусан, "Навбаҳор"нинг бир қанча ўйинчиларига "совчилар" бисёр.

Азиз Турғунбоев ҳам "Навбаҳор"ни тарк этиши мумкин. Бу ҳақда унинг яқинларидан бири lochinlar.uz сайтига маълум қилди:

"Азиз ўтган йили "Пахтакор"га ўтиши керак эди. Аммо кўпчиликнинг фикрига қулоқ солиб яна бир мавсум Наманганда тўп тепганди. Менимча, энди Турғунбоев бошқа кучлироқ жамоага ўтса керак. Халқаро ўйинларда ўйнашни истаяпти. Афсуски, "Навбаҳор" кейинги мавсум ОЧЛда иштирок этмайди. Шунинг ўзи Азизни кетишига сабаб бўлиши мумкин.

Гап пулда эмас. Ўзимга қолса, Турғунбоев яна бир йил шу ерда ўйнашини истардим. Ҳаммасини вақт кўрсатади. Азизнинг кетишини 60%-40% деб баҳолаган бўлардим", - дейди унинг яқини.