Азамат Абдураимов жамоаси Равшан Эрматов жамоасига қарши!
24 may 2016 16:59
News

Азамат Абдураимов жамоаси Равшан Эрматов жамоасига қарши!

31 май куни Тошкентда "Ўзбекистон" спорт мажмуасида ажойиб футбол шоу бўлиб ўтади.

Ўзбекистонда хизмат кўрсатган спортчи, Осиё ўйинлари ғолиби, Ўзбекистон чемпиони Азамат Абдураимовнинг 50 ёшга тўлиши муносабати билан унинг яқинларидан ташкил топган жамоа ўзбекистонлик ФИФА ҳаками Равшан Эрматов жамоасига қарши шоу учрашувини ўтказади.

31 май кунги ушбу шоу тадбирда Ўзбек футболи юлдузлари, Осиё ўйинлари ғолиблари, актёрлар ва эстрадамиз юлдузлари иштирок этишади. Тадбирнинг махсус меҳмони Муниса Ризаева бўлади.

Футбол шоудан олдин болалар ўртасида "Чемионлар кубоги" хайрия турнири бўлиб ўтади.

Барча мухлисларни 31 май куни соат 15:00да "Ўзбекистон" спорт мажмуасига таклиф этиб қоламиз.