Айбек Нурбаев: "Менга об-ҳаво, ҳакам, майдон каби баҳоналар ёқмайди"

Ўйин ҳақида

- "Машъал" жамоасини ғалаба билан табриклайман. Ўйинни кўрдинглар, деярли устунлик биз томонда эди. Шундай ўйнаб туриб ютқаздик. 3 кун олдин "Сўғдиёна" билан кубок мусобақасида сафар ўйинини ўтказдик. Шу боис ҳам тикланиш жараёнида муаммолар кўринди.

- Об-ҳаво биринчи бўлимда жамоангизнинг ўйинига таъсир кўрсатдими?

- Мен энг ёмон кўрганим шулар, об-ҳаво, ҳакам, майдон. Ҳар икки жамоа шу муҳитда ўйнайди, буларнинг бари баҳонадан бошқа нарса эмас.

- Сизга сунъий майдон қулайми ёки табиий майдонми?

- Албатта, барча табиий майдонда ўйнайшни истайди. Мавжуд экологик холатдан келиб чиқиб биз сунъий майдонда ўйнашга мажбур бўлаяпмиз. Буни такрорлайвериш тўғри эмас.

- "Машъал"дан сизнинг жамоангизга ўтган футболчилар қандай таасурот қолдирмоқда?

- Бизга улар ўтган мавсум ҳам ёрда беришган. Бу йил ҳам ҳар бир ўйинда астойдил ҳаракат қилишмоқда. Жамоамиз ўсиб бораяпти, ҳозир шунақа жараён. Кўп йигитлар ёш, масалан уларнинг аксарияти 2-лигадан ўйнаб чиқиб келишаяпти.