Ана холос! Австралияни Жаҳон чемпионатига олиб чиққан мураббий истеъфога чиқди
22 nov 2017 08:35
News

Ана холос! Австралияни Жаҳон чемпионатига олиб чиққан мураббий истеъфога чиқди

Бу ҳақда мураббий бугун ўтказилган махсус матбуот анжумани вақтида маълум қилди.

"Узоқ ўйланишлардан сўнг Австралия терма жамоаси сифатидаги фаолиятим якунланди деб ҳисобладим. Бу энг муҳим хабарим эди", - деди Анге Постекоглу.

Ноябрь ойида Австралия терма жамоаси қитъалараро плей-оффда Гондурасни икки ўйин натижасига кўра (0:0, 3:1) доғда қолдириб Россияда бўлиб ўтадиган Жаҳон чемпионатига йўлланма олганди.

Постекоглу "соккерузлар" устози сифатида 2013 йилдан буён ишлаб келаётганди. Унинг қўл остида жамоа ЖЧ-2014га чиққан ва 2015 йил Австралия мезбонлик қилган Осиё Кубогида ғолиб бўлганди.

Анге Постекоглунинг Австралия терма жамоаси бош мураббийлигидаги натижаси: 45та ўйин, 20 ғалаба, 10 дуранг ва 15 мағлубият.