Авазбек Ўлмасалиев: "Иккита голимни, икки кишига бағишладим"

Қизиқарли кечган учрашувда Авазбек Ўлмасалиевнинг дубли, Хуршид Ғиёсовнинг пенальтидан урган голи  "Бунёдкор"га ғалаба келтирди. Майдон эгаларининг учта голига,  "Сурхон"дан Мурод Бобожонов битта тўп билан жавоб қайтарди. Мазкур баҳсдан сўнг дубль муаллифига айланган Авазбек Ўлмасалиевнинг фикрлари билан қизиқдик. 

- Ўйин ҳақида...

- Майдонда нималар бўлганини ҳамма кўрди. Осон ўйин бўлмаслигини билардик."Сурхон"нинг ўйини мавсум бошига қараганда яхши томонга ўзгарган. Суперлигада қолиш учун борларини беришлари аниқ эди. 

-" Бунёдкор" айни пайтда тарихдаги энг ёмон натижасини қайд этмаслик, яъни 4 ўрин курашмоқда. "Сурхон" эса Суперлигада қолиш учун. Ўйиннинг мухимлилиги яна нимада эди?

- Икки жамоага ҳам ғалаба керак эди, дея оламан. Айтганимдек, рақиб элитада қолиш учун астойдил ҳаракат қилмоқда. 

- Ушбу  баҳсда дубль қайд этдингиз ва Суперлигада гол урган ҳимоячилар қаторига қўшилдингиз. Голни кимга бағишладингиз?

- Иккита голни икки кишига бағишладим, десам муболаға бўлмайди. Жамоадошимиз Абдулла Абдуллаев яқинда қиз фарзандли бўлди. Биринчи навбатда ота-онамга бағишладим. Иккинчисини Абдулла Абдуллаевга.

- Олдинда жамоани "Пахтакор" га қарши кетма-кет иккита жуда қийин ўйин кутиб турибди. Ҳозирданоқ "Пахтакор" ни фаворитга чиқариб қўйишаётганига муносабатингиз қандай? "Бунёдкор" майдонда буни аксини исботлай оладими?

- Авваламбор ҳаммаси худодан. Насиб қилса ғалаба учун бор кучимизни ишга соламиз. Ўзбекистон кубогида ғолиб чиқиш вазифаси қўйилган. Ҳамма нарса майдонда ҳал бўлади.

Абдулазиз Искандаров ёзиб олди