Асрор Алиқулов: “Финалда имкониятлар тенг деб ўйлайман”
12 nov 2014 11:23
News

Асрор Алиқулов: “Финалда имкониятлар тенг деб ўйлайман”

Хабарингиз бор, бугун Ўзбекистон Кубоги-2014 финал ўйини бўлиб ўтади. Олмалиқ шаҳрида кечадиган бўлажак баҳс олдидан айрим футболчи ва мутахассислар фикри билан қизиқдик.

Бу борада дастлаб “Динамо” ҳимоячиси Асрор Алиқулов билан боғландик.

- Асрор ака, бугун Кубок финали бўлиб ўтади. Илгари бир неча бор бундай ўйинларда иштирок этган футболчи сифатида нима дейсиз?
- Финал қизиқарли ўтишини тахмин қиляпман. Ҳар иккала жамоа ҳам борини беради. Имкониятлар эса 50х50. “Локомотив” чемпионликни бой берди. Шундай экан бугун қандай бўлмасин, Кубокни қўлга киритиш учун астойдил харакат қилади.

- “Бунёдкор”нинг устун жиҳатлари нима деб ўйлайсиз?
- Яхши жамоа. Чемпионатнинг сўнгги турида “Пахтакор”га аламли тарзда мағлуб бўлди. “Қалдирғочлар” биринчи бўлимни яхши ўтказишди. Лекин ўйин сўнггиларида ғалабани қўлдан чиқарди. Энди улар Кубокда зафар қучишга бор имкониятини ишга солади.

- Фаолиятингиз мобайнида сиз ҳам ўз вақтида бу каби финал баҳсларида бир неча бор иштирок этгансиз. Ўшанда учрашувга қандай тайёргарлик кўрардинглар?
- Финал бу – ўз номи билан финалдир! Бундай ўйинларга мураббий шогирдларини тайёрлаши шарт эмас. Чунки ҳар бир йигит финалга ўзини-ўзи пухта тайёрлайди. Хусусан ўзим бундай ўйинларга астойдил тайёргарлик кўрардим.

Исломбек Рустамбеков

Link :

Source : championat.asia

Receive latest football news directly on your phone. Subscribe for our Telegram channel!

Rating: