АСEАН чемпионати-2022. Бу сафар ҳам “жанговар филлар” тенгсиз

Финалда Таиланд икки ўйин натижасига (2:2, 1:0) кўра Вьетнамдан устун келиб, 7-маротаба мазкур мусобақада ғолиб бўлди ва ўз рекордини янгилади. Мусобақа тўпурарлари эса 6 тадан гол билан Терасил Дангда ва Нгуен Тьен Линь бўлишди.

“Жанговар филлар” бундан олдинроқ 1996, 2000, 2002, 2014, 2016, 2021 йиллардаги турнирларда ҳам муваффақият қозонган ва 2007, 2008, 2012 йилларда финалда имкониятни бой берганди. Вьетнамликлар эса 4-маротаба финалга етиб келиб, 2-маротаба (1998, 2023) титулдан маҳрум бўлди. Улар 2008 ҳамда 2018 йиллардаги мусобақаларда бош соврин эгасига айланишган.