Артём Зюба: "Мен Капелло ёки Карпин учун эмас, "Спартак" учун ўйнайман"
02 aug 2014 01:02
News

Артём Зюба: "Мен Капелло ёки Карпин учун эмас, "Спартак" учун ўйнайман"

"Спартак" жамоаси ҳужумчиси чемпионатнинг илк турида "Рубин" дарвозасига киритган иккита тўпидан сўнг ўз фикрлари билан ўртоқлашди.

Биз қийин ўйин бўлишини билгандик. Ғалаба қозонганимиздан хурсандмиз. Бугун гол урганимдан қувончим чексиз. Лекин бу билан тезда ҳаволаниб кетиш ярамайди. Эртага танқидлар ёмғирига қолиб кетишим ҳам мумкин. Мени ўйинимга Мурат Яқин баҳо бергани маъқулроқ. Жамоадошларим ҳар иккала голимга ажойиб тарзда паслар ошириб беришди. "Рубин" биз учун ноқулай рақиб саналади. Яқиннинг биринчи учрашувидаёқ ғалаба қозонишимиз муҳим эди. Мавсум олди йиғинларда биз ҳақимизда кўп ёзишди, кулишгача боришди. Лекин меҳнатларимиз ўз самарасини кўрсатди. Машғулотда қийин бўлса, ўйинда осон бўлади дегани шу бўлса керак.
Капеллога жавобим? Мен Капелло ёки Карпин учун эмас, "Спартак" учун ўйнайман.

Link :

Source : sports.ru

Receive latest football news directly on your phone. Subscribe for our Telegram channel!

Rating: