Артета нега Обамеянг "Арсенал"да қолганини айтди
19 sep 2020 12:28
News

Артета нега Обамеянг "Арсенал"да қолганини айтди

Лондоннинг "Арсенал" клуби бош мураббийи Микель Артета 31 ёшли габонлик форвард Пьер-Эмерик Обамеянг билан шартнома узайтирилгани ҳақида гапирди.

"Обамеянгнинг биз билан қолганининг асосий сабаби бизда ажойиб жамоа борлигидир. "Арсенал"да ҳақиқий профессионал инсонлар ишлашади. Шу билан бирга, Пьер-Эмерик мухлисларнинг севгисини ҳис қилади", - дейди испаниялик мутахассис.

Эслатиб ўтамиз, бундан бир неча кун олдин Обамеянг "тўпчилар" билан шартномасини 3 йилга узайтирганди.

Футболчи Лондон клубига 2018 йилнинг январь ойида келган. Бу вақт давомида форвард 111та ўйинда майдонга тушиб, 72та гол ва 15та ассист қайд этди.

Link :

Source : Sky Sports

Receive latest football news directly on your phone. Subscribe for our Telegram channel!

Rating: +5