Артета: "Арсенал" иккинчи бўлимда катта устунлик қилди"

"Характер кўрсатдик ва икки марта ўйинга қайтиб, ғалабага эришдик. Бу ўйиндан кўп дарс олишимиз керак, дастлабки бўлимда осон хатоларга йўл қўйиб, рақиблар шунчаки дарвозамиз олдига келишига ва голлар уриб кетишига йўл қўйдик. Танаффусда футболчилар билан гаплашиб олдик ва мақсадни юқори қўйдик ва қилишимиз керак бўлган ишларни қилдик.

Биринчи бўлимда рақибларга бўш ҳудудлар қолдириб, тўпни бериб қўйдик. Уоткинс осонлик билан дарвозамизни ишғол қилиб кетди. "Астон Вилла" дарвозамизга икки зарба бериб, икки гол урди. Бунга ҳам тан бериш керак.

Иккинчи бўлимда кўпроқ вазиятлар яратдик ва катта устунликка эришдик. Бизга Жоржиньонинг сехри керак бўлганди ва у буни намойиш қилди. Агарда юқорида бўлишни истасак, барча ўйинларда ютишимиз, 94-дақиқада гол уриб, камбэк қилишимиз керак", - деди Артета.