"Арсенал"да "тозалаш" ишлари бошланади, клуб 10 нафар ўйинчисини сотмоқчи

Манбага кўра, инглиз клуби раҳбарияти иш ҳақини камайтириш мақсадида 10 нафар футболчини сотиши мумкин. Дарвозабон Бернд Лено, ҳимоячилар Эктор Бельерин ва Давид Луиз, ярим ҳимоячи Гранит Жака ва ҳужумчи Александр Ляказетт трансферга қўйилади. 

Бундан ташқари, "канонирлар" ҳимоячи Энсли Мэйтленд-Найлз, ярим ҳимоячилар Рис Нелсон, Жо Уиллок, Маттео Гендузи ва Лукас Торрейранинг трансфери бўйича таклифларни кўриб чиқишга тайёр.

Эслатиб ўтамиз, "Арсенал" кетма-кет бешинчи марта Англия Премьер-лигасида кучли тўртликка кира олмади. Лондон клуби Европа Лигаси орқали Чемпионлар Лигасига чиқишга уриниб кўрди, аммо ярим финалда "Вильярреал"га ютқазди (1:2, 0:0).