"Арсенал" Райсни сотиб олишига ишонмоқда

"Evening Standard" хабарига кўра, клуб жамоанинг ҳозирги муваффақияти ва келаси мавсумда Чемпионлар Лигасида қатнашиши 24 ёшли футболчини қўлга киритишда ёрдам беришига умид қилмоқда.

Хабар қилинишича, "Вест Хэм" ярим ҳимоячисининг ярим ҳимояда ёки "саккизлик" позициясида ўйнай олиши "Арсенал" эътиборини тортмоқда. Райснинг характери ҳам жамоа қадриятларига мос келади.

"Вест Хэм" футболчининг трансферидан иложи борича кўпроқ пул ишлаб олишга ҳаракат қилади ва асосий эътиборни Энцо Фернандес, Жуд Беллингем ва Мойзес Кайседонинг трансфер нархига қаратади.

Райс 2013 йилнинг ёзидан буён "Вест Хэм" сафида тўп тепади. Унинг жамоа билан амалдаги шартномаси 2024 йилнинг июнигача мўлжалланган.

24 ёшли англиялик жорий мавсум барча мусобақаларда "болғачилар" сафида 34 та ўйинда 2 та гол урди ва 4 та голли узатмани амалга оширди.