"Барселона" тарбияланувчиси учун бир қатор клублар кураш олиб боришади
26 feb 2020 23:50
News

"Барселона" тарбияланувчиси учун бир қатор клублар кураш олиб боришади

Ижара асосида "Хетафе" шарафини ҳимоя қилаётган "Барселона" ҳимоячиси Марк Кукурелья Европанинг бир қатор клублари диққатини ўзига жалб қилмоқда.

"Арсенал", "Тоттенхэм", "Байер" ва Мёнхенгладбахнинг "Боруссия" клуби 21 ёшли испаниялик футболчининг товон пулини тўлашга тайёр. Бу ҳақида COPE нашри маълум қилди. Кукурельянинг товон пули 25 млн еврони ташкилл қилади.

Шунингдек, "Атлетико" ва "Севилья" ҳам испаниялик футболчини ўз сафидаги кўришни хоҳлаётгани ҳақидаги хабарлар тарқалганди.

Маълумот учун, Кукурелья Ла Лиганинг жорий мавсумида 21 ўйинда майдонга тушиб, битта гол урган ва беш марта жамоадошларига шундай имкониятни яратиб берган.