Арсен Венгер тузалмас "касал" экан
14 may 2018 08:45
News

Арсен Венгер тузалмас "касал" экан

«Арсенал» бош мураббийи Арсен Венгер Лондон клубидаги сўнгги учрашувидан сўнг ўз фикрларини билдирди.

«Арсенал» кеча сафарда «Хаддерсфилд»ни мағлуб этди.

«Битта клубни 1235та ўйинда бошқариб уни тарк этиш оғир. Бугун ғалаба қозониш шарт эди. Ғалабалар мени бахтли қилади, йигитлар буни уддалашди.

Бугун хафаман. Барчаси бир кун тугайди. Барчага соғлик тилайман. Клубга барча яхши тилакларни тилайман.

Умримни охиригача «Арсенал» мухлиси бўлиб қоламан.

Албатта футболда қоламан. Мураббийлик ёки бошқа иш... Мен футбол билан касалман ва бу тузалади деб ўйламайман», – дейди Венгер.