АПЛнинг 8-тур ўйинлари ва "Арсенал"нинг ЕЛдаги учрашуви Елизавета II нинг дафн маросими туфайли қолдирилиши мумкин

Елизавета II мотам маросмими муносабати билан келаси пайшанбага белгиланган Европа Лигаси гуруҳ босқичидан ўрин олган “Арсенал” – ПСВ ўйини полиция етишмаслиги сабабли қолдирилиши мумкин.

Шунингдек, АПЛнинг 8-тур учрашувлари ҳам сўроқ остида турибди. Уларни бошқа санага кўчиришишлари мумкин, чунки 19-сентябрь, душанба куни бўлиб ўтадиган Елизавета II нинг дафн маросимини ташкил қилиш полициянинг катта ресурсларини талаб қилади, деб ёзди "The Telegraph".

УEФАнинг фикрича, "Арсенал" ўйинидан ташқари европакубокнинг барча баҳслари белгиланган тартибда ўтказилади.

Аввалроқ Чемпионлар Лигаси гуруҳ босқичидан ўрин олган "Рейнжерс" – "Наполи" учрашуви 13 сентябрдан 14 сентябрга кўчирилганди. Шунингдек, марҳум қироличага ҳурмат белгиси сифатида АПЛ 7-туридан ўрин олган барча ўйинлар қолдирилган эди.