АПЛ. Рамазон муносабати билан футболчиларга оғиз очиш учун вақт берилади

Манбага кўра, АПЛ мутасаддилари лигадаги барча ҳакамларни Рамазон ойида кечки ўйинлар олдидан иккала жамоа сардорлари билан маслаҳатлашган ҳолда мусулмон футболчилар оғиз очиши учун имконият яратиб беришни ўйламоқда.

Душанба куни “Лестер” ва “Кристал Пэлас” бош ҳакам Грэм Скотт билан маслаҳатлашиб, учрашув бошланганидан ярим соат ўтгач, Уэсли Фофана ва Шейху Куятега рўза амалларини бажариб олишига имкон берилди. Меҳмонлар кипери Висенте Гуаита юқоридаги футболчилар майдон четида қувватни кўтарувчи энергетик ичимликни ичиб олишини кутди ва тўпни ўйинга киритишни бироз кечиктирди.

Агар ҳар иккала жамоа сардорлари рози бўлса, Премьер-лига қоидалари бўйича ўйинда доимо бироз пауза қилишга имкон берилади. Энди эса лига буни одатий ҳолга айлантиришни кўриб чиқмоқда.

Бу содир бўлиши мумкин бўлган навбатдаги ўйин: АПЛ 34-тури доирасида 30 апрель куни ўтадиган “Саутгемптон” – “Лестер” учрашувида юз бериши кутилмоқда.

Instagram'даги @angliyаfutboli саҳифасига обуна бўлинг!