АПЛ. "Ливерпуль" уйда иродали ғалабага эришди

Учрашувдан матнли трансляцияни шу саҳифада кузатиб боришингиз мумкин.

Liverpool Sadio Mane - 28', Sadio Mane - 40', Mohamed Salah - 72'

Premier League . Round 5 14/09/2019, 16:30 1 : 3 Finished

Newcastle United Jetro Willems - 7'

Stadium: Anfield, 51430 spectators

Referee: Andre Marriner

45'

90'

28'  Sadio Mane

28'  Andrew Robertson

37'  Divock Origi (Roberto Firmino)

40'  Sadio Mane

72'  Mohamed Salah

72'  Roberto Firmino

75'  Alex Oxlade-Chamberlain (James Milner)

84'  Georginio Wijnaldum (Xherdan Shaqiri)

7'  Jetro Willems

7'  Christian Atsu

67'  Miguel Almiron (Yoshinori Muto)

67'  Emil Krafth (Javier Manquillo)

80'  Fabian Schaer (Federico Fernandez)

Open in Match Center

АПЛ

5-тур, 14.09.2019

"Энфилд", Ливерпуль

Бош ҳакам: Андре Марринер

"Ливерпуль" - "Ньюкасл" 3:1

Голлар: С.Мане 28, 40, М.Салаҳ 72  - Й.Виллемс 7.

"Ливерпуль": Адриан, Трент Александр-Арнольд, Жоел Матип, Виржил Ван Дейк, Эндрю Робертсон, Фабиньо, Жоржиньо Вейналдум (Жердан Шакири, ), Алекс Окслейд-Чемберлен (Жеймс Милнер, 75), Садио Мане, Муҳаммад Салаҳ, Дивок Ориги (Роберто Фирмино, 37).

"Ньюкасл": Мартин Дубравка, Эмиль Крафт (Манкилльо, 67), Фабиан Шар, Жамал Ласкеллс, Пол Даммет, Йетро Виллемс, Исаак Хайден, Жонжо Шелви, Кристиан Атсу, Мигел Альмирон (Йошинори Муто, 67), Жоэлинтон.

МАТНЛИ ТРАНЯЛЦИЯ

ЯНГИЛАШ

Учрашув якунланди. Клопп шогирдларидан иродали ғалаба.

Андре Марринер иккинчи бўлимга ҳам 3 дақиқа қўшиб берди.

88 - Гол, аммо ҳисобга олинмади. Роберто Манега пас беришдан олдин ўйиндан ташқари ҳолатда қолиб кетган эди.

87 - Зарбааа, Салаҳ ва Арнольд битта жойда пайдо бўлди. Зарбани ўнг қанот ҳимоячиси берди, меҳмонлар киперидан навбатдаги сейв.

82 - Фирминонинг бугунги паслари учун унга бир эмас, бир нечта музқаймоқ бериш керак.

72 - Гоооооолллллл, Салаҳ ниҳоят гол урди. Яна Фирминодан ақлли ва шедевр пас. 2 дақиқа олдин Роберто ҳақида ёзган эдик. Бугунги учрашувнинг энг яхши ўйинчиси дубл қайд этиб турган Мане эмас, айнан Фирмино.

Фирминонинг захирадан ўйинга қўшилиши "Ливерпуль"ни кескин кучайтириб юборди. Бразилиялик Мане, Арнольд ва Робертсонларни деярли бирга-бир вазиятларга чиқариб юборди. Улардан фақат Мане имкониятдан фойдалана олди.

67 - Стив Брюс бирйўла иккита ўзгаришни амалга оширди. Алмирон ўрнига япониялик Муто, Крафт ўрнига эса Манкилльо майдонга тушди.

63 - Зарбааа, Фирмино бу сафар Робертсонни бирга-бир вазиятга чиқариб юборди. Яна Дубравка қутқарди.

56 - Фирмино бу сафар Арнольдни зарба бериш учун қулай жойга чиқариб юборди. Дубравка қутқарди.

55 - Зарбааа, Эҳҳ, Атсунинг пасидан кейин Эмиль Крафт Адриан дарвозаси томон зарба бериш учун жуда қулай позицияда қолган эди. Афсуски, у тўпни жуда юқорига тепиб юборди.

49 - Робертсоннинг пасидан кейин Вейналдум тўпни тўхтатиб ҳавонинг ўзида ноодатий услубда зарба берди. Бироз юқоридан ўтиб кетди.

Садио Мане АПЛ доирасида "Энфилд"да ўтказилган охирги 21та ўйинда 20-голини киритди. "Энфилд"даги ҳақиқий "киллер".

Иккинчи бўлим бошланди.

"Ливерпуль" биринчи бўлимнинг ўзида ирода кўрсатди. Ҳозирча танаффус.

Мане биринчи голини урган вазият.

45+1 - Вейналдумнинг аниқ ва кучсиз зарбасини Дубравка ушлаб олди.

Учта гол урилган биринчи бўлимга 3 дақиқа қўшиб берилди.

40 - Гооооооллллллл, Яна Манеее!!! Майдон марказида Фирмино тўпни Атсудан олиб қўйди ва Садиога узатди. Дубравка аввалига тўпни қайтаргандек бўлди, аммо тўп яна Мане оёқлари остида пайдо бўлди.

37 - Афсуски, Ориги чизиқ бўйлаб рақибни чалғитмоқчи бўлган ноқулай тарзда йиқилиб тушди ва жароҳат олиб майдонни тарк этди. Унинг ўрнига Роберто Фирмино майдонга тушди.

32 - Ван Дейкнинг узоқ масофадан йўллаган зарбаси трибунадаги мухлислар сари йўл олди.

28 - Гооооооолллллл, Робертсоннинг паси ва Манедан чиройли гол. Садио ҳам Виллемс каби чап томондан узоқ юқори бурчакни пойлади.

26 - Салаҳнинг ўнг оёқда тепган тўпини ҳимоячилар майдон ташқарисига чиқариб юборишди.

24 - Зарба, Ориги бир вазиятнинг ўзида икки бор Дубравка дарвозасини ишғол қила олмади.

21 - Брюс шогирдлари ҳозирча ҳар бир тўп учун жуда кескин курашишмоқда, бундай ҳолатда гол уриш мезбонларга осон бўлмайди.

16 - Салаҳ бурчак зарбасини амалга оширганидан кейин Дубравка тўпни уриб юборди. Клопп шогирдларини тезроқ "уйғотиши" керак. Ҳозирча, улар ўзларига ўхшашмаяпти.

 Мана ўша голга айланган зарба.

11 - Зарба, Чемберленнинг узоқ пастки бурчакка тепган тўпига бироз аниқлик етишмади.

7 - Гоооолллллл, Йетро Виллемс Атсунинг пасидан сўнг чап томондан тўпни ўнгга олиб Александр-Арнольдни доғда қолдирди ва Адрианнинг узоқ юқори бурчагига зарба берди. Жуда чиройли гол.

5 - Олдинги ўйинда Манега зарур пайтда пас бермаган Салаҳ ҳозир тўпни унга оширди. Аммо, рақиб ҳимоячилари тўпни қайтаришди.

Бугун Клопп шогирдларидан Алиссон ва Наби Кейта ўйиндан ташқари ҳолатда. "Ньюкасл"да эса ҳужумларни ташкил этишда асосий ўйинчилардан бири бўлган Мэтт Ритчи сафда эмас.

Учрашувга старт берилди.

"Ливерпуль" кийиниш хонаси, ўзингиз баҳо беринг.

Жамоалар майдонга тушиб келишди. Хуштак чалишдан олдинги расмий тадбирлар ўтказилмоқда. Бу орада эса "Энфилд" жўр бўлиб "You'll never walk alone"ни куйламоқда.

Бугун "ҳаккалар" захирасида қолган япониялик ҳужумчи Йошинори Муто.

Мухлислар аллақачон стадионни тўлдириб бўлишган.

"Ливерпуль" автобуси "Энфилд"га етиб келган палла.

- Премьер-лигада ҳозирча очко йўқотмаган ягона жамоа бўлиб турган "Ливерпуль" бугун "Энфилд"да "Ньюкасл"ни қабул қилади. Стив Брюс Клопп жамоасига қарши қандай чора топа олганига тахминан 2 соатдан сўнг баҳо беришимиз мумкин бўлади.

Англия Премьер-лигаси турнир жадвали >>>>> АПЛ