АПЛ. Де Хеа муддатидан олдин "Олтин қўлқоп" совринини қўлга киритди

"Манчестер Юнайтед" посбони Давид Де Хеа АПЛда "Олтин қўлқоп"ни қўлга киритиши аниқ бўлди. Де Хеа "Вулвз"га қарши ўйинда ушбу мавсумдаги 16-қуруқ ўйинни ўтказди. 

Чемпионатдаги ҳеч бир дарвозабон энди Давид Де Хеани қуруқ серия бўйича қувиб ўтолмайди. Фақатгина, Алиссон ("Ливепуль"), Ник Поуп ("Ньюкасл") ва Аарон Рэмсдейлгина ("Арсенал") Де Хеа билан тенглашиб олишлари мумкин. Юқоридаги дарвозабонлар ҳисобида 13 та қуруқ ўйин бор. Уччала кипер ҳам чемпионатни охирига қадар барча ўйинда қуруқ серия қайд этишсагина, Де Хеага етиб олишлари мумкин. Бу эса амалда жуда қийин иш. 

Маълумот учун, Де Хеа бундан аввал 2017-2018 йилги мавсумда "Олтин қўлқоп"ни ютганди. Ўшанда испаниялик дарвозабон мавсум давомида 18 та қуруқ ўйин қайд этганди.