Анзур Исмоилов: "Бабаян кучли психолог"
28 aug 2015 04:45
News

Анзур Исмоилов: "Бабаян кучли психолог"

Ўзбекистон терма жамоаси йиғинига биринчилардан бўлиб етиб келган легионер футболчимиз Анзур Исмоилов Самвел Бабаян қўл остидаги дастлабки машғулотдан сўнг ўз фикрлари билан ўртоқлашди.

"Бабаян қўл остидаги дастлабки машғулотим яхши ўтди. Илк бор Бабаян билан мураббий сифатида ишладим. Бабаян футболчиларни руҳини кўтаришга жуда уста мураббий деб айтишим мумкин. Болаларни ўз кучига бўлган ишончини оширади, тартибни яхши кўрадиган мутахассис. Бутун бир жамоани бир оиладек жамлай олишга қодир бу мураббий. Самвел Бабаяннинг энг катта устун жиҳати - у кучли психолог. Бу футболчилар билан биринчи машғулотни ўтказдик. Янги жамоа билан тезда киришиб кетамиз деб ўйлайман. Яман ва Филиппинга қарши ўйинларда 6 очкони кўлга кирита олишга қурбимиз етади. Ўйлайманки, бу ишни уддалай оламиз. Асосийси машғулотларда қаттиқ меҳнат қилиб, бир-биримизни тезда тушуниб олишимиз керак", - дейди Анзур Исмоилов.