Анхель Лопес ҳакамлардан нима сабаб жаҳли чиққанини айтди

- Йигитларимга катта раҳмат айтаман. Улар бугун кенг кўламдаги вазифани бажаришди. Сўнгги 15 кун давомида қаттиқ меҳнат қилдик. Умумий қилиб айтганда, иккинчи бўлимни ажойиб ўтказдик. Бурчакдан кейин урилган голни ҳисоблашмаганидан кейин рухни туширмадик ва янада қаттиқроқ олдинга ташландик. Рақиб ярим майдонида узоқ вақт давомида тўпга эгалик қилдик, жарима майдончаси ичига паслар билан ёриб кирдик. Қанот ҳимоячиларимизни кўпроқ ҳужумда ўйнаши кераклигини айтдик. Иккинчи бўлимда эса тўп билан кўпроқ бўлдик. Сўнгги 20 дақиқадаги ўйинимиз орқали ғалабага лойиқлигимизни кўрсата олдик. Гарчи "Динамо" ҳимояда кучли ўйин намойиш қилса-да, ўз кутган ўйинимизни кўрсатганимиздан мамнун бўлдим.

- Шундай парадокс бўлди. Сиз ҳакамликдан 70 дақиқа нолидингиз ва 20 дақиқада иккита пенальти тепиб, ғалабага эришдингиз. Бу ҳақида нима дея оласиз?

- Иккала пенальти ҳам бор эди. Нима сабабдан жаҳлим чиққани эса шундай. Бурчакдан узатилган тўпнинг ўтиб кетганини бирор инсон аниқ кўргани йўқ. Ундан ташқари, "Динамо" футболчиси бизнинг жамоа аъзосининг юзига ургани учун карточка берилмади. Бу қизил карточка эди. Биринчи пенальтида рақиб тўпни қўли билан ўйнади, иккинчиси эса яққол фол эди. Ҳакам эса бунга пенальти бермаса бўлмасди. Барчаси адолатли бўлди.