Анвар Хожимирзаев: "Истиқлол"нинг мақсади ўзгармайди"
10 apr 2019 21:40
News

Анвар Хожимирзаев: "Истиқлол"нинг мақсади ўзгармайди"

“А” Про-Лига 2-туридан ўрин олган “Истиқлол” - “Нефтчи” (3:2) учрашувидан сўнг мезбонлар ҳужумчиси Анвар Хожимирзаев қуйидагича фикрларни билдирди.

"Қийин учрашув ўтказдик. Бу ғалаба ҳаммамизники, киритган голимда жамоадошларимнинг хиссаси катта. Учрашув биз учун осон бўлмаган бўлсада, ғалаба қозонишни уддасидан чиқдик.

Мақсадимиз ўзгармайди, ўтган мавсумдагидек Суперлига йўлланамасига эга чиқиш учун ҳаракат қиламиз. Ўзларинг гувоҳ бўлдинглар, бугун жуда шижоатли ўйин бўлди. “Нефтчи” вакиллари жуда кучли ўйин намойиш этишди, охирги дақиқаларда чарчаб қолдик. Лекин шундай бўлсада, якунда ғалаба қозондик.

Жамоамизни қўллаб-қувватлаб турган барча футбол мухлисларига миннатдорчилик билдираман", – дейди Анвар Хожимирзаев.

Бекзод Толибов ёзиб олди.