Анвар Ражабов: "Жамоага нима бўлаётганига мен ҳам ҳайронман"

Жамоа 8-турдан кейин 4 очко жамғариб турнир жадвалида 13-ўринни эгаллаб турибди. Табиийки бу маҳаллий ишқибозларга ёқмаяпти. Яқинда "Навбаҳор" майдонига сафар уюштирган "бургутлар" дербида йирик (0:3) ҳисобда мағлуб бўлиб қайтди. Учрашувдан сўнг андижонликлар ҳужумчиси Анвар Ражабов билан суҳбатлашдик.

- Очиғи, жамоага нима бўлаётганига мен ҳам тушунмаяпман, - дея гап бошлади 26 ёшли футболчи. - Ҳар бир ўйинга тайёргарлик кўнгилдагидек бўлмоқда. Лекин негадир натижа ижобий кечмаяпти. Навбаҳор билан ўйинга келадиган бўлсак, асосий таркибнинг 3-4 та аъзоси жароҳат туфайли майдонга туша олмади. Қолаверса учрашувда 2та ҳимоячимиз алмаштирилди. Шу куни наманганликларнинг ғалабага бўлган иштиёқ юқори бўлгани учун ютди деб ҳисоблайман. Бизда ҳам иштиёқ бор, лекин боя айтганимдек омадимиз келмаяпти.

- Намангандаги учрашувда биргина мени эмас, бутун жамоани ўйини чиқмади.

- Умид қиламанки, "Андижон" олий лигадан тушиб кетмайди. Ҳаммаси яхши бўлишига ишонамиз, - дейди Анвар Ражабов.