Анвар Раҳимов: “Ғалаба қозонмоқчимиз”
19 mar 2016 10:15
News

Анвар Раҳимов: “Ғалаба қозонмоқчимиз”

Ўзбекистон Кубогининг 1/16 финал босқич доирасидан ўрин олган “Оқ-тепа” – “Обод” учрашуви олдидан мезбонлар аъзоси Анвар Раҳимовнинг фикрлари билан қизиқдик.

- “Оқ-тепа” учун янги мавсум эртага расман бошланади. Салкам уч ой давомида мавсумга тайёргарлик кўрдик. Эртага ғалаба қозониб, тайёргарликнинг самарасини кўрмоқчимиз.

- “Обод” олий лига жамоаси, аммо майдонга чиқилганда рақиб танланмайди. Шунчаки, майдонга тушиб, ўйнаш ва ғалаба қозониш керак. Рақиб расмий учрашувларда майдонга тушиб улгургани биз учун катта муаммо бўлади, деб ўйламайман. Аниғи шуки, биз ҳам улар ҳам эртага ғалаба учун ўйнаймиз.

- “Оқ-тепа” – “Обод” учрашуви Тошкентнинг кичкина дербиси ҳисобланади. Эртага ҳар иккала тарафга ҳам осон бўлмайди ва мухлислар чиройли ўйин гувоҳига айланишади.