Антон Вальдемар - Ганноверда йилнинг энг яхши спортчиси ФОТО

Гамбургда Антон жамоадошлари билан шимолий дербида иштирок этди. Бутун ўйин давомида "Ганновер" ҳисобда олдинда борди, аммо 86 дақиқада "Гамбург" вакили Костич ҳисобни тенглаштирди.

Немис матбуотида Вальдемарга Германиянинг икки клуби "Шальке-04" ва "Хоффенхайм"дан қизиқиш борлиги ҳақида хабарлар чиқди.  

Футболчининг "Ганновер" билан шартномасида товон пули ёзилмаган, аммо тушунарлики агар катта таклиф бўлса клуб уни ушлаб тура олмаса керак.

"Шпорт-бильд" нашри хабарига кўра Вальдемарнинг трансфер нархи 18 миллион еврога етди.

Ўзбекистонда туғилган футболчи Ганновер шаҳрида йилнинг энг яхши спортчиси деб топилди. Ўтган ҳафтада соврин топшириш маросими бўлиб ўтди. Антонга сўровномада иштирок этганларнинг 30,8 фоизи унга овоз берди, маҳаллий гандбол жамоаси ва Германия терма жамоаси аъзоси Кая Хефнерни (30,1 фоиз) ва триатлет Кристиан Хауптни (8,5 %) ортда қолдирди.

Владислав Гойхманн