Анри Бедимо фаолиятини якунлади

Бир неча кун олдин 36 ёшга тўлган камерунлик ҳимоячи Анри Бедимо Инстаграм саҳифаси орқали фаолиятига нуқта қўйганлигини эълон қилди. Бедимо 2018 йилдан бери клубсиз қолаётган эди.

“Мен профессионал футболчилик фаолиятим билан боғлиқ бўлимни ёпмоқдаман. Йўлимда учраган мураббийлар, клуб ходимлари, волонтёрлар ва мухлисларга миннатдорчилик билдирмай кета олмайман. Сизларсиз бу даражага чиқа олмасдим. Ўз ватаним шарафини ҳимоя қилганимдан фахрланаман. Ҳаммага раҳмат”, — дея ёзади Бедимо.

Бедимо 2002 йилдан 2018 йилга қадар Франциянинг “Гренобль”, “Тулуза”, “Шатору”, “Ланс”, “Монпелье”, “Лион” ва “Марсель” клубларида фаолият олиб борган. У фаолияти мобайнида 395 та ўйинда қатнашиб, 7 та гол урган ва 29 та голли узатма берган. 2012 йил “Монпелье” сафида Лига 1 чемпиони бўлган.