Андрей Микялев: "Ҳисоб 3:0 бўлганида яхши бўларди..."

"Чиройли кубок ўйини гувоҳи бўлдик. "Насаф" доим ҳужумкор ўйнайди, улар ҳимоявий ўйнашмайди. Ҳисоб 3:0 бўлганида яхши бўларди, аммо "Насаф"га ҳам қойил, охиригача курашди. Бугунги ғалабани якшанба куни нишонланадиган "темирйўлчилар куни"га бағишлаймиз.

Бугунги ўйиндан қониқдик. Таркибда ўзгаришлар бўлди, ўтган баҳсдаги чарчоқдан чиқиб кетиш учун бу иш қилинди.

Бундай иссиқда футбол ўйнаш осон эмас. Мия чарчайди, шу боис хатолар кўп бўлади.

Ярим финал жавоб баҳси қачон бўлишини билмаслик жуда ёмон. Аммо нимаям қилардик кутамиз.

"Нефтчи"дан ижарадан олинган Мурод Бобожонов жамоада қолишни истади чемпион бўлишни ва кубокни қўлга киритишни хоҳлади. Раҳбарият билан учрашди ва йил охиригача бизда қолди.

Янги нигериялик ҳужумчи билан шартнома туздик. Умид қиламизки у йиғинларда ўзи кўрсатган ҳаракатларни ўйинларда ҳам намойиш эта олади.

Азизбек Омонов бошқа жамоага ижарага берилмайди. Бизда рақобат бўлгани яхши. Омонов ўзимиза ҳам керак", - дейди Андрей Микялев.