Андрей Микляев: "Футболчиларга эътирозим йўқ"

- Натижадан мамнун эмасман. Бироқ футболчиларга эътирозим йўқ. Шунчаки вазиятлардан фойдаланиш керак эди. Рақиблар деярли ҳужумчиларсиз ўйнади, бутун жамоа билан ҳимояланишди. Барчасига ўзимиз айбдормиз, бироқ бунда кимнидир айблаш жуда қийин.

Моддий жарималар? Тўғриси, бу ҳақида сизлардан эшитмоқдаман. Интернетга кириб, янгиликларни ўқишга вақтим бўлмади. Футболчилар ўйин давомида ҳиссиётларини жиловлай олишмаяпти. Мана шундай ўйинлар вақтида кўпчилик асабий бўлиб қолади. Пенальти бўлдими ёки йўқ, барибир энди гапиришдан бефойда. Биз 5 ёки 6 яққол голга тортадиган вазиятлардан фойдалана олмаганимиз туфайли ғалаба қозона олмадик.

Сардор Рашидовнинг алмаштирилиши сабаби жуда оддий. Биз қанотни кучайтиришни ният қилгандик. Бизда захира кенг, бошқа футболчини ҳам туширишим мумкин эди. Бироқ Сардор бундай қийин учрашувда ўйнашга кўникиб кета олмади. сабаб шу, айтганимдек қанотни кучайтиришни ният қилгандик.

Ҳусниддин Ғофуровнинг ўйинларини кузатганмиз. У ишончимизни аста-секинлик билан оқламоқда. Таркибимиз кучли, бизда қанотда ўйнайдиган Ғофуров, Мирзаев, Рашидов каби футболчилар бор. Асосийси бу жойда ўйнаш учун рақобат жуда кучли.

Рашидов кам ҳаракат қилмоқда? Бу саволни унинг ўзига беринг. Балким унинг жисмоний ҳолати яхши эмасдир. Ёки у фаолиятини бошқачароқ тарзда давом эттиришни истагандир. Билмадим... У чемпионатда иккита гол урди, балким бу нимадандир далолатдир.