Андрей Микляев: "Бунёдкор" ҳимояда тартибли ўйнади"

- Бугун жуда муҳим беллашув бўлиб ўтди. Давранинг сўнгги баҳсида иккита етакчи жамоалар тўқнаш келишди. Учрашув қиймати юқори бўлгани учун жамоалар эҳтиёткорона ўйин намойиш этишди. "Бунёдкор" ҳимояда яхши, тартибли ўйнади. "Бунёдкор" ва "Локомотив" жуда ноқулай об-ҳавода ўйнади. Шу боис бугунги бир очко билан ҳар иккала жамоани табрикласа бўлади. Футболчиларга ҳеч қандай эътироз йўқ, улар жуда иссиқ ҳавода майдонда бекор ўтиришмади. Ҳаракат қилишди.

Давралар оралиғида жамоани ҳужум чизиғида кучли футболчини олиб келишни режалаштиряпмиз. Ҳозирча битта ўрин бўш турибди. Аниқ бир номзод йўқ. Жамоани селекция ишлари давом этмоқда. Шоҳруз Норхонов? Бу футболчи ҳозирча бизнинг қизиқишларимиз доирасида эмас. Менимча, Норхоновни "Бунёдкор" олса керак.

Неманья Яничични ҳозир қўйиб юборганмиз. Яничич ўз юртида даволаниш, тикланиш жараёнларини ўтказмоқда. Неманья оғир жароҳатдан сўнг анча вақт ўйин амалиётисиз қолди. Ҳимоячи Минскдаги йиғинда сафимизга келиб қўшилади. Легионер ҳужумчи? Излаяпмиз.