Андрей Микляев: “Бундай натижадан кейин нима дейишни ҳам билмайман... Аргентина – Ямайка – 5:0”
02 jun 2019 11:09
News

Андрей Микляев: “Бундай натижадан кейин нима дейишни ҳам билмайман... Аргентина – Ямайка – 5:0”

Ўзбекистон Лига Кубоги 1-тури доирасидаги “Динамо” – “Сурхон” (5:0) учрашувидан кейин термизликлар бош мураббийи Андрей Микляев ўйин ҳақида фикр билдирди.

- Бундай натижадан кейин нима дейишни ҳам билмайман... Аргентина – Ямайка – 5:0! Бугун аксарият ёшларни синаб кўрмоқчи эдик. Биринчи бўлимда унчалик ёмон кўринишмади, аммо иккинчи голдан кейин жамоа жисмонан тайёр эмаслиги кўриниб қолди, “Динамо” ўйин тизгинини қўлга киритиб, тўлиқ устунлик қилди. Чалқанча гол, узоқдан гол, рақиблар истаганларича голлар уришди. На илож, “Динамо”ни ғалаба билан табриклайман. Ўйинга яраша натижа бўлди. Бундай натижа билан мағлубиятга учраш, жуда ноқулай.
Ушбу Кубокда жамоа олдига вазифа борми? Бугунги вазифамиз захирадагиларни ҳам синаб кўриш эди. Хатоларни устида ишлаймиз. “Динамо”нинг иккинчи бўлимдаги ўзгаришлари ҳам ўйинини кучайтирди, бизнинг ўзгаришлар эса самарасиз бўлди.

Усмон Ибодов ёзиб олди.