Андрей Канчельскис: "Пенальтини Турғунбоев эмас, Аҳмедов тепиши керак эди"
14 jun 2020 22:28
News

Андрей Канчельскис: "Пенальтини Турғунбоев эмас, Аҳмедов тепиши керак эди"

Coca Cola Суперлигаси 4-туридан ўрин олган "Насаф" - "Навбаҳор" (2:2) учрашувидан кейин меҳмонлар устози Андрей Канчельскис ўз фикрларини билдирди.

"Узоқ вақт футбол ўйнамагандик. Ғалабани ушлаб қола олмаслик алам қилди. Икки бор ҳисобда олдинда бордик. Пенальтидан гол урганимизда ҳисоб 0:2 бўларди... Йигитларга раҳмат. "Насаф" яхши жамоа, уларга қарши ўйнаш доим оғир. Таркибида кучли футболчилар кўп.

Кейинги ўйинга тайёргарликни бошлаймиз. Бундай катта танаффусдан кейин ўйин тонусига қайтиш қийин.

Аслида 11 метрли жарима тўпини бизда Азим Аҳмедов тепиши керак эди. Нима учун Турғунбоев зарба берганини ҳозир аниқлаймиз. Агар Аҳмедов тепганида гол урарди. Азизбек жамоамизнинг асосий ва муҳим футболчиси, ҳаёт давом этади. Кейинги ўйинларда ғалаба учун кўпроқ ҳаракат қиламиз", - дейди Андрей Канчельскис.