Андрей Фёдоров ва Камолиддин Мурзоев сентябрь ойи лауреатлари
22 oct 2015 21:29
News

Андрей Фёдоров ва Камолиддин Мурзоев сентябрь ойи лауреатлари

Ўзбекистон Профессионал футбол лигаси ва “Championat.asia” ҳамкорлигида ташкил этилган ой лауреатларининг навбатдаги ғолиби аниқланди.

Унга кўра Фарғонанинг “Нефтчи” клуби бош мураббийи Андрей Фёдоров 76 очко тўплаб сентябрь ойининг энг яхши мураббийи деб топилди. Сентябрь ойида Андрей Фёдоров бошчилигидаги “Нефтчи” клуби “Сўғдиёна”, “Бунёдкор”, “Динамо” ва “Пахтакор” клубларига қарши ўйин ўтказиб барчасида ғолиб бўлди.

Ундан кейинги ўринни 67 очко тўплаган “Насаф” клуби устози Рўзиқул Бердиев банд этди. Қаршиликлар куз фаслининг дастлабки ойида чемпионатда 4та ўйин ўтказиб уларнинг 3тасида ғалабага эришишди.

Кучли учликни “Локомотив” клубининг собиқ бош мураббийи Вадим Абрамов якунлаб берди. Абрамов 38 очко тўплади. “Темирйўлчилар” ўтган ойда чемпионатда тўртта ўйин ўтказиб уларнинг учтасида рақибни мағлуб этди.

Самарқанднинг “Динамо” клуби ҳужумчиси Камолиддин Мурзоев сентябрь ойининг энг яхши футболчиси деб тан олинди. Сентябрь ойида “Навбаҳор”, “Металлург” ва “Сўғдиёна”га қарши ўйинларда жами 3та гол урган Мурзоев сўровномада 46 очко тўплади.

Ундан кейинги ўринни “Бухоро” ярим ҳимоячиси Азиз Ибрагимов банд этди. Ўтган ойда тўртта ўйинда тўртта гол урган футболчи 45 очко жамғарди. Учинчи ўринда “Насаф” клуби сардор Артур Геворкян қайд этилди. Сентябрда 4та ўйинда 3та гол урган туркманистонлик футболчи 43 очко тўплади.

Сентябрь ойи сўровномаси натижалари

Ўрин	Мураббий	I	II	III	IV	V	Жами
1	Андрей Фёдоров	12	4	-	-	-	76
2	Рўзиқул Бердиев	4	11	1	-	-	67
3	Вадим Абрамов	-	1	9	1	5	38
4	Жамшид Саидов	-	-	4	5	6	28
5	Нўъмон Ҳасанов	-	-	2	9	4	28

Ўрин	Футболчи	I	II	III	IV	V	Жами
1	Камолиддин Мурзоев	7	1	1	1	2	46
2	Азиз Ибрагимов	5	2	-	6	-	45
3	Артур Геворкян	1	5	3	4	1	43
4	Евгений Черемисин	1	3	3	1	1	29
5	Баҳриддин Ваҳобов	1	1	3	2	1	23
6	Неманья Йованович	-	1	3	-	2	15
7	Шакер Зуаги	-	1	1	1	3	12
8	Игорь Сергеев	1	1	-	-	2	11
9	Темур Кападзе	-	1	1	-	2	9
10	Мурод Бобожонов	-	-	-	1	2	4