Андрей Фёдоров: “Шукур Пўлатов пенальтида ҳеч адашмасди”

-  Биринчи навбатда барча журналистларни кириб келаётган байрамлари билан табриклайман. Уларга соғлик тилайман. Ўйин борасида фикр билдирадиган бўлсам, оғир ҳамда шиддатли баҳсга гувоҳ бўлдик. Беллашув мухлисларга ҳам ёқди деб ўйлайман. Ўйин дурангга мос бўлди. Хар иккала жамоа ҳам дурангга мос ўйин кўрсатишди. Агар баҳс сўнггида пенальтидан гол ура олганимизда хозир вазият бошқача ҳам бўлиши мумкин эди. Шогирдларимга раҳмат айтаман. Улар бугун охиригача кураш олиб боришди.
-  Бугун нима учун кеч ўйинчи алмаштирдингиз ?
-  Хақиқатдан ҳам алмашувларда кичик хатога йўл қўйдик. Футболчилар ўйин сўнггида чарчаб қолишди. Шу сабабли, баҳс якунида хатога йўл қўйдик.
-  Футболчилар машғулотларда пенальти тепишни машқ қилиб туришадими?
-  Шукур Пўлатов машғулотларда хар доим пенальтиларни аниқ амалга оширарди. Бироқ бугун Пўлатов имкониятдан фойдалана олмади. Умуман олганда машғулот бошқа, ўйин бошқа...

“Нефтчи” матбуот хизмати