Latest news

18:21Баҳром Ҳайдаров: "Плей-оффда ўйнайдиган 4 та клуб ҳам Суперлигада қолса керак"  0 18:10Иван Бошкович: "Қизил карточка ўйиннинг энг муҳим вазияти бўлди, "Қўқон-1912"га омад тилайман"  2 18:07"Андижон" мураббийи Элёр Раҳматуллаев: "Охирги кунларда қийин вазиятдан чиқишимизга Самвел Бабаян ёрдам берди"  2 18:06"Пиза" — "Интер". Таркиблар маълум  1 18:00Ҳаким Фузайлов: "Плей-оффга кўтаринки кайфиятда бориш учун ҳам бугун ғалаба керак эди"  1 17:53Миржалол Қосимов: "Мавсумни ғалаба билан тугатиш яхши"  0 17:53"Вест Хэм" — "Ливерпуль". Таркиблар маълум  4 17:45Отабек Нарзуллаев: "Уй ўйинларимизни Муборакда ўтказганимизда кўпроқ очко олардик"  1 17:29Суперлигада қолиш учун қайси клублар кураш олиб бориши маълум  20 17:26Виталий Левченко: "Кейинги мавсумда Фарғонада қолишим ёки қолмаслигимни билмайман"  9 17:10Суперлига. "Нефтчи" сафарда ютқазди, "Андижон" Тошкентда ғолиб бўлди ва қолган натижалар   41 16:34"ЎФФ Президенти кубоги" мусобақасида 3-тур учрашувлари ўтказилди  0 15:57"Кристал Пэлас" — "Манчестер Юнайтед". Таркиблар маълум  4 15:26Рафинья "Барселона"ни АПЛ клубига алмаштириши мумкин  5 14:42Симеоне Серлотнинг "Атлетико"дан кетиши мумкинлиги ҳақида гапирди  0

Андреа Пирло: “Нью-Йорк Сити”да шартномам охиригача қоламан” News

Андреа Пирло: “Нью-Йорк Сити”да шартномам охиригача қоламан”

Италиялик 36 ёшли ярим ҳимоячи Андреа Пирло катта ёшда эканига қарамай, майдонда ҳамон бошқалардан фаолроқ ҳаракат қилишини ЕЧЛнинг ўтган мавсумида барчага намойиш этди.

Айни пайтда МЛСда ўйнаётган футболчига “А” сериянинг бир қатор клублари қизиқиш билдиришди, лекин Андреа АҚШда қолишни хоҳлашини маълум қилди.

У “Нью-Йорк Сити”да июлдан ўйнашга тушди ва дастлаб унинг ҳаракатлари кўпчиликни ажаблантирди. Кейин у юқори савияда ўйнашга тушди. Пирлонинг ўзи АҚШдаги биринчи мавсумидан кўнгли тўлганини билдирди. У Нью-Йоркка кўчиб ўтиш чоғида олдига қўйилган мақсадини уддалаш учун уриниши ва Италияга қайтишни режалаштирмаётганини таъкидлаб ўтди.

- Сиз “Интер”га ўтишга яқин эдингизми?

– Бу жамоанинг қизиқиши ҳақида гапларга эътибор қаратмайман. Бундай нарсаларга кўникиб қолганман. Охирги ойларда мен билан бошқа клублар ҳам алоқага чиқишди, лекин “Нью-Йорк Сити” билан шартномам бор. Мен бу клубни ҳурмат қиламан ва бу ерда менга ишонишади. Бу сафар мавсумни бошидан бошлайман, бизда янги мураббий бўлади. Биз катта муваффақиятга эришишга қодирмиз.

- МЛСда сизни нима қизиқтирди?

– АҚШда ғалаба қозониш ва янги ҳаётий тажриба олишни истадим. “Ювентус”да қолишимни хоҳлашди ва яна бир йиллик шартномам бор эди. Лекин мен бошқача қарорга келдим.

- Савияси жуда юқори бўлмаган чемпионатда ўйнаб, таваккал қилмаяпсизми?

– Бу ерда “А” серияга қараганда футболчиларга босим кам, аммо чемпионат ўсмоқда. Янги чақирувни қабул қилишни хоҳладим ва мен қалбан юқорига интиламан.

- Антонио Конте билан муносабатингиз қандай?

– Биз “Ювентус”да кўп нарсага эришдик. У энди Италия терма жамоасини шуғуллантирмоқда. Ўртамизда ҳеч нарса ўзгармаган. У ҳамон ўйнаётганимни билади ва МЛСдаги ўйинимни кузатиши мумкин.

- Агар Италияга қайтмасангиз у сизни терма жамоага чақирмаса-чи?

– Конте менинг Европага қайтишимни талаб қилаётгани тўғри эмас. Мен доим яхши ўйнашим кераклигини биламан, Европа чемпионатига терма жамоага чақирилишим ҳақида қарорни у ҳал қилади. Унга ўйиним билан бош оғриғи тақдим этишга ва Европа чемпионатида таркибдан ўрин олишга ҳаракат қиламан.

- Америкада ишларингиз қандай?

– Бу ҳақида хулоса қилишга ҳали эрта. Чунки мен мавсум бошланиб бўлгандан кейин келгандим. Январда машқ қилишда давом этаман ва мартда тайёр бўламан. Фаолиятимни юқори нотада якунлашни истайман.

- Фаолиятингиздаги қайси лаҳза кескин бурилиш нуқтаси бўлган?

–Карло Маццонедан миннатдор бўлишим керак. У 2001 йил мендан Роберто Баджога бўш ҳудуд яратиб бериш учун ичкарироқ ўйнашимни сўраган. Ўшандан бери мен яхшироқ бўлишга интилиб келдим.

- Майда сиз деярли “Барселона”ва Лионель Мессини мағлуб этишни уддаладингиз.

– Икки марта Чемпионлар лигасини ютганман, бироқ ўтган йилги финал жуда аламли бўлди. “Барселона” шунчаки кучлироқ чиқди. “Ювентус” ҳисобни тенглаштиргандан кейин устунлик биз томонга ўтди, бироқ биз боғлиқликни йўқотдик ва қарши ҳужумни ўтказиб юбордик.

- Италиянинг қайси шаҳрида юрагингиз қолиб кетган?

– 20 йил ичида “Интер”, “Милан” ва “Ювентус” — уч буюк клуб учун ўйнашга улгурдим. Улар жуда ажойиб, бирини танлай олмайман. Юрагим умрбод Италияда қолган – бу энг муҳими.


Беҳзод Назаров тайёрлади.

Rating: +1   

Comments

championat.asia
< show latest news
Яндекс.Метрика