"Андижон": Крушельницкий кетди, Абдуқодиров қайтди
10 mar 2015 10:23
News

"Андижон": Крушельницкий кетди, Абдуқодиров қайтди

"Бургутлар" Тошкентдаги йиғинни якунлаб, 1-турни ўтказиш учун Қаршига жўнаб кетди.

Таркибда эътиборга молик ўзгаришлар юз берди. Мавсумлар оралиғида жамоа йиғинида қатнашган ҳимоячи Ярослав Крушельницкий эндиликда ўзига бошқа жамоа топадиган бўлди.

Таркибга ҳужумчи Абдулатиф Абдуқодиров қўшилди. Ўтган мавсумнинг иккинчи ярмида "Андижон" сафида сермаҳсуллик кўрсатган футболчи вилоят ҳокимининг таклифига биноан яна жамоага қайтди. Айтиш лозимки, Абдуқодиров жамоа билан бир йиллик шартномага имзо чекди. Анвар Бердиевниниг ҳам "Андижон"га ўтиши айтилаётганди. Аммо бу ўтиш амалга ошмайдиган болди. "Бунёдкор"нинг бошқа бир футболчиси Дилшод Жўраев билан эса музокаралар давом этмоқда.

Эслатиб ўтамиз, "Андижон" чемпионатдаги биринчи ўйинини 12 март куни сафарда "Насаф"га қарши ўтказади.

Link :

Source : championat.asia

Receive latest football news directly on your phone. Subscribe for our Telegram channel!

Rating: