"Андижон"нинг словениялик легионери қаерда?

У охирги бор 26 июнь куни Суперлига 14-тури доирасидаги "Хоразм" билан ўйинда захирадан қўшилиб, бор-йўғи 11 дақиқа ҳаракат қилганди.

5 июль кунги "Андижон" – "Бунёдкор" учрашувидан сўнг андижонликлар бош мураббийи Максим Шацкихдан "Алтин Крезиу нега захирада қоляпти?", деган саволга қуйидагича жавоб берган:

"Ким қандай ишласа, шунга яраша ўйнайди. Бу ҳақида ҳар куни ўйинчиларга айтаман ва буни улар яхши билишади. Бу нормал жараён деб ҳисоблайман. Машғулотларда борини бериб меҳнат қилиш керак. Бошқа йўл ҳам йўқ".

Биз Крезиу ҳақида "Андижон" матбуот хизматидан маълумот сўрадик ва қуйидагича жавоб олдик.

"Алтин Крезиуда бироз жароҳат бор. Шунинг учун у жамоага ёрдам беролмаяпти", – деди "Андижон" матбуот котиби Шуҳратбек Жўраев.

23 ёшли Крезиу жорий мавсум "бургутлар" таркибида 14 ўйин ўтказиб, 1 та гол урди ва 3 та голга ассистентлик қилди.