"Андижон"нинг энг яхши футболчисига ҳадя қилинадиган "Форд Мустанг" Андижонда!

"Жамоамиз футболчиларининг юқори натижалари учун ваъда қилинган "Форд Мустанг" автомашинаси Андижонга етиб келди. 

Аммо бу мавсум ёшлардан ташкил топган жамоамизнинг натижалари режадагидек бўлмаганлиги сабабли автоулов футболчиларга насиб этмайдиган бўлди.

Эндиликда жамоамиз натижалари яхшиланиши учун катта ҳисса қўшадиган ва етакчиликни қўлга оладиган ҳамда энг яхши футболчи деб эътироф этиладиган биргина футболчи ушбу супер автомашина соҳибига айланиши мумкин.

Жамоамизнинг бу мавсум Суперлигада қолиши учун хам раҳбарият томонидан катта мукофот ваъда қилинган", – дея хабар қилди "Андижон" клуби матбуот хизмати.