"Андижон"дан маркетинг соҳасида навбатдаги қадам ёхуд одатийликдан чекиниш

Футболда майда элементар нарса бўлмайди. Хусусан, клуб оддий ўйин формаларида ҳам янгилик қилишга улгурди. Жамоа футболчилари бу мавсумда икки хил – қизил ва оқ формаларда майдонга тушишаётганини пайқагансиз. 

Эътибор берадиган бўлсак, қизил формада "Андижон" стадиони жойлашган худуднинг суъний йўлдошдан олинган харитаси акс этиб туради. Бунда "Бобур Арена" футболканинг чап қисмига жойлаштирилган. Яъни мухлислар тили билан айтганда, стадион доим юрагимизда, деган маънони бермоқда. 

Иккинчи, оқ формада "Андижон" жамоасининг рамзи ҳисобланган бургут тасвиридан фойдаланилган. Умумий қилиб айтганда, клуб одатийликдан чекинган ҳолда бу ишга ёндашган. 

Маркетингни ривожлантириш жараёнида клуб раҳбарияти мухлисларга қулайлик туғдириш учун атрибуткалар сотувини йўлга қўйди. Панамка, шарф ва футболкаларни қулай нархларда омма эътиборига ҳавола қилмоқда.