Андижонда хайрия тадбири ўтказилади, шошилинг!

28 май куни Андижон қон қуйиш маркази ҳамкорлигида, шаҳримиздаги кам таъминланган оилаларда яшовчи бемор болалар учун, #Soglom_kelajak_uchun хайрия акцияси ўтказилинади.

Акция соат 11:00да бошланади.

Акция икки турда ўтказилади.

1. Қон топшириш.
Инсон тириклигини таъминловчи қон ҳеч қандай йўл билан сунъий равишда ташкил этилмайди. Шундай экан, қон захираси фақатгина донорлар ёрдамида юзага келтирилади. Сиз ҳам хайрия акциямиз куни келиб биз билан биргаликда донор деган шарафли номга сазовор бўлинг. Сизга маълумот сифатида топширган қонингиз кимга қуйилганлиги ҳакида хабар етказилади.

2. Моддий хайрия.
Шаҳримизда "Фурқат" болалар поликлиникасида доимий даволанадиган бемор болалар учун ҳар ким истаганича моддий хайрия қилишлари мумкин.

Шу куни қон топширган ва моддий хайрия килган иштирокчилар "Волонтерское движение Андижана" гуруҳи томонидан ва #Soglom_kelajak_uchun деб ёзилган браслетлар билан тақдирланадилар.

Акция иштирокчилари эл севган санъаткорларнинг дил тортар наволаридан, ҚВЗ жамолари аъзолари ва албатта узоқ кутилган Ўзбекча "Stand Up" жамоасининг чиқишларидан баҳраманд бўлишадилар.

Савоб ишга шошилинг азизлар!

Тел: +99893 441 38 24