"Андижон" "Бенфика" билан ҳамкорлик қилади

"Шартномага кўра, "Бенфика"нинг инфратузилмаси, академиянинг иш услуби, ишлаш тартиби ўрганилиб келинади. Мураббийлар штаби ва ёш футболчиларимиз "Бенфика" академиясида бўлиб малака ошириб қайтиши кўзда тутилган. Шунингдек, португалиялик мураббийлар юртимизга ташриф буюриб, андижонлик ёш футболчиларга маҳорат дарслари ўтиши режалаштирилган.

Шартнома масалалари якунланиш босқичига етиб келган. Юртимизда жорий қилинган карантин тартиб қоидалари сабаб, Португалияга бориш имкони бўлмайди, карантин чекловлари юмшатилгандан сўнг жамоамиз раҳбарияти Португалия пойтахтига бориб, шартнома имзолаб қайтишади.

Шартнома тафсилотларини "Андижон" жамоамизнинг расмий саҳифаларида бериб борамиз!", деб ёзилади клуб хабарида.