“Андижон” навбатдаги учрашувга тайёргарликни бошлади

Олий лиганинг навбатдаги турида “бургутлар” Бекободда “Металлург” меҳмони бўлади. Бўлажак баҳсга тайёгарлик бошланди.

Навбатдаги муҳим ўйин олдидан жамоамизда жарохат билан боғлиқ муаммо юзага келган. Яқинда операциядан қайтган ҳимоячи Жавлон Гусейнов яна сафдан чиқди. Айтишларича футболчи катта эхтимол билан иккинчи даврадан майдонга қайтади.

Шунингдек Бобур Акбаров, Отабек Валижонов, Солоҳиддин Солоҳидинов ҳам жарохат сабаб машғулотларда иштирок эта олмаяпти. Улардан ташқари кичик жарохат  туфайли Ғулом Ўрунов, Иқбол Бобохонов ва Иброҳим Отахонов машғулотларда индивидуал тарзда шуғулланмоқда.

Сербиялик ҳужумчи Неманья Йованович юртига бориб келиш учун жўнаб кетган. Тажрибали футболчи шу кунларда Андижонга етиб келади.

Дарвоқе, бош мураббий Бахтиёр Ашурматовнинг соғлиги билан боғлиқ муаммо юзага келгани сабабли бош мураббий айни дамда жамоа билан бирга эмас. Машғулотларни эса унинг ёрдамчилари Зоҳид Нурматов, Шуҳрат Мақсудов, Ҳислат Чилматов ва Камол Жўнашев ўтказмоқда.

Эслатиб ўтамиз, “Металлург”га қарши ўйин 10 июнь куни бўлиб ўтади.