"Андижон" жамоаси 2019 йилги мавсумий чипталарни сотувга чиқарди

Аниқроғи бахорнинг илк кунларидан Суперлига мусобақаси бошланиш арафасида. Бўлажак чемпионатга астойдил тайёргарлик кўраётган “Андижон” футбол клуби энг аввало ўз мухлисларини мазмунли ўйинлари билан юқори кайфият улашиш ҳамда ишқибозларга стадионда қулайлик яратиш бўйича бир қатор ташкилий ишларни амалга оширмоқда. Хусусан, клуб маркетинг хизмати янги мавсум олдидан “Андижон” жамоасининг уй ўйинларига кириш хуқуқини берувчи мавсумий чипталарни жорий этди.

Мавсумий чипталар 7-8-9-10-11-12-13-21-22-23-24-25-26-27-28-секторларга чиқарилган.

Хабарингиз бор, 2019 йилги футбол мавсуми олдидан “Соғлом авлод” стадиони янгича кўринишга келтирилмоқда. “Андижон” жамоасининг ҳар бир уй учрашувига кириш хуқуқини берадиган мавсумий чипталарнинг нархи 400,000 сўм қилиб белгиланган.

Ушбу мавсумий чиптани сотиб олишнинг қулайлик томони шундаки, Сиз ҳар бир ўйин олдидан чипта сотиб олишдан мосуво бўласиз. Қолаверса бу орқали “Андижон” футбол клубининг ривожи учун ўз хиссангизни қўшган бўласиз.

Мавсумий чипталарни сотиб олиш Сиз хоҳлаган усулда амалга оширилади. Мурожаат учун манзил: 3 кичик даҳа, “Халқлар дўстлиги” стадиони.

Телефонлар:
+99874 226 70 27
+99874 226 10 47
+99899 907 10 13
+99893 413 99 99

Фақат соат 09:00дан 18:00га қадар телефон қилишингиз мумкин бўлади.