“Андижон” декабрь ойида йиғин ўтказади, Хомяковнинг кейинги тақдири аниқ

“Бургутлар” 21 декабрь куни ўз қароргоҳида йиғилади ва бир ҳафта мобайнида машғулот ўтказади.

Бош мураббий Александр Хомяковнинг клуб қолиш масаласи бугунги кунда барчани диққат марказида турибди десак муболаға бўлмайди. Олинган маълумотларга кўра, Александр Андреевич ҳозирда Россияга жўнаб кетган ва оиласи даврасида ҳордиқ чиқармоқда. Бош мураббийнинг клуб билан тузган шартномаси мавжуд бўлиб, янги мавсумда ҳам “Андижон”да қолиб фаолятини давом эттиришга қарор қилган.

Хомяков ўз юртида бўлсада, жамоани кучайтириши мумкин бўлган айрим футболчилар билан оғзаки равишда келишувга эришган.

Бу йил “Андижон” шарафини ҳимоя қилган деярли барча футболчиларнинг клуб билан тузган шартномаси якунига етган. Раҳбарият бош мураббийнинг истагидан келиб чиқиб, айрим футболчиларни жамоада олиб қолишни режалаштирмоқда.