«Андижон» бугун «Обод» билан ўйнади

Раҳбарият ва мураббийлар штаби ўзаро маслаҳатлашган холда бу йил асосий эътиборни маҳаллий футболчиларга қаратиб, вилоятдаги иқтидорли ўсмирларни тарбиялаш асосий вазифалардан бири дея белгилаб олинди. Шу боис мураббийлар пойтахтдаги йиғин чоғида кўпроқ андижонлик бўлган аммо бугунги кунда бошқа жамоалар ихтиёрида бўлган футболчиларни таркибга жалб этиб, уларни кўрикдан ўтказмоқда.

Тошкентдаги йиғин чоғида жамоамиз кун ора синов-назорат учрашувларини ташкил этиб бормоқда. Мақсад амалиётни ошириш ва жамоавий ўйинни янада шакллантиришдир. Кеча «Пахтакор»га қарши баҳсда андижонликлар 2:1 ҳисобида ғалаба қозонганди. Бугун ҳам жамоамиз олий лиганинг бошқа бир вакили - Тошкентнинг «Обод» жамоасига қарши баҳс олиб борди. Қизиқарли ва муросасиз руҳ остида ўтган учрашувда «Андижон» рақибига жиддий қаршилик кўрсатди. Якунда тажриба бироз устунлик қилиб «Обод» 3:2 ҳисобида ғалаба қозонди.  Андижонликларнинг голларига Хусниддинов билан Абдувоҳидов муаллифлик қилди.

Виталий Легай шу куни бошланғич таркибда қуйидагиларни майдонга туширди: Баракатилло Исроилов, Дилмурод Маҳмудов, Аҳрор Ўктамов, Мансур Маҳсудов, Муҳаммадюсуф Абдумажидов, Аброр Комилов, Камрон Абдуҳамидов, Хусниддин Хусниддов, Ғайрат Жўраев, Бахтиёр Қосимов, Абдулазиз Ёқубов.

Захирадан майдонга тушганлар: Лочин Долимов, Акбар Ходжаев, Қаҳрамон Маҳамаджонов, Абдурасул Комилов, Иброҳим Отахонов, Жаҳонгир Мақсудов, Санжар Асқаралиев, Мақсуд Мақсудов, Фарҳод Бекмуратов, Ойбек Нурматов, Алишер Абдувоҳидов.

Энди «Андижон» 17 февраль куни «НБУ-Осиё»га қарши синов-назорат учрашувини ташкил этади.