Анчелотти Бенземанинг "Реал"га эҳтимолий қайтиши ҳақида гапирди

"Карим Бенземанинг "Реал"га қайтиши ҳақидаги хабар тўғри эмас. Бу ёлғон хабарлар. Мен клуб билан Карим Бензема ва унинг эҳтимолий қайтишини гаплашмадим", — дейди Анчелотти.

Олдинроқ, Мадриднинг "Реал" клуби бош мураббийи Карло Анчелоттининг "қаймоқранглилар" раҳбариятидан "қироллик клуби" собиқ ҳужумчиси Карим Бенземанинг қайтишини сўраётгани хабар қилинганди.

Эслатиб ўтамиз, Бензема ўтган ёзда эркин агент мақомида "Ал Иттиҳод"га ўтганди. Форвард жорий мавсум барча мусобақаларда 24та ўйинда майдонга тушиб, 15та гол ва 5та ассист қайд этди. Ўйинчининг Саудия Арабистони клуби билан шартномаси 2026 йилнинг июнь ойи сўнггига қадар мўлжалланган. Transfermarkt футболчини 15 миллион еврога баҳоламоқда.