Анчелотти "Бавария"да ишга киришди (ФОТО)

Карло Анчелотти "Бавария" қароргоҳида етиб келди ва бугун мюнхенликлар бош мураббийи сифатида дастлабки матбуот анжуманида иштирок этди.

Шунингдек, Карло Анчелотти "Бавария" билан ўзининг илк машғулотини ўтказди.

Карло Анчелотти кириш сўзини немисчада бошлади. "Бавария" клубининг мураббийларга қўядиган талаби, энг аввало мураббий немис тилида гаплашишни билиши, ўрганиши шарт. Анчелотти немисчани яхшигина ўзлаштираётгани кўриниб турди. Чунки италиялик мутахассис матбуот анжуманида германиялик журналистлар билан немисча сўрашиб, кейин инглиз ва итальянча тилда ҳам савол-жавоб қилишга улгурди.

"Бавария" Европа чемпионатида иштирок этган футболчиларисиз янги мавсумга тараддудни бошлаб олди. Қолган футболчилар қисқа муддатли таътилдан сўнг жамоа йиғинига қўшилишади.

"Бавария"нинг бугунги машғулотини минглаб мухлислар ва 200дан ортиқ журналистлар бошидан охирига қадар кузатиб боришди.